SAJAK Tegalan JAKWIR Pejabat

Rodjikin AH

Intrupsi

Kang intrupsi kang
rayat nunggu.....
apa mung kaya kiyé tok kang?

Kang wakilé rayat jaré kudu pokal

Kang intrupsi kang
rayat takon......
apa bener rika luwih seneng ngantuk
katimbang ngomong?

Kang intrupsi kang.....
apa bener yèn rika ngomong pulsané larang kang?

Kang intrupsi kang.....
apa bener pulsané rika bebaaas roaming kang?

Ayuh kang mumpung bèbas roaming
ngomong kang

Ngomong!

Slawi, 22,05.05 20:46 WIB


Rodjikin AH

Mbusleng

Sing wingi tak tunggu clangabé
ning ora netes-netes

Cengir....
kedèp-kedèp tak kira repan wani ngucap
ning mung mesem

Sing wingi tak tunggu swarané
ning ora muni-muni
cengir...pènjap-pènjep tak kira wani ngomong
ning mung guya-guyu

Yèn aku nyapa disit bokan ora dijawab
sebab ngomong ora ngomong bayaré pada.


Slawi, 22.05.05 20:43 WIB


Rodjikin AH – Wakil Ketua DPRD Kabupaten Tegal njagong nang kursi dèwan wis kakping loro. Bos selipan beras kiyé peduli maring budaya Tegalan. Jaré dèwèké Tegalan kuwé bakal moncèr nang waktu-waktu sing pan teka. Dèwèké saiki dadi Ketua DPC PDI P Kab. Tegal.



Muji Atmanto

Nggoné Dosa

Manungsa
pancèn nggoné dosa
diganjar siksa
suwé-suwé dadi
ora rumangsa

Lindu nias
kaya wis laka
sing mèlu lara.....

Slawi, 2005
Pukul 05:04:45 WIB


Muji Atmanto

Saksi

Layung-layung
tangisé sedulur sebrang
sing ketrajang banjir bandang
banjir getih
perih.....

Duh Gusti nyuwun kula
mugaha bisa dadi saksi ati
sing wis pada mati....

Senin, 3 Januari 2005
Pukul 19:29:45 WIB



Muji Atmanto

Pepèling

Nyawa lan getihé
bakal ésih nglambrang
angger rayat ésih akèh sing mlarat
daning kowen sing srakat

Sebayu ora luwih sing crita lawas
angger pepèling durung bisa
gawé éling atiné kowen
sing wis kaya wadas

Nanging kali gung
bisaha dadi sesuci
èbèn kabèh luwih resik
sekang siki...............

Kagok, pukul 05:05:05 WIB

Muji Atmanto – Assisten I Kabupaten Tegal kiyé, tulisané sumebar nang mèdia massa. Puisi Tegalané akèh dimuat nang TEGAL TEGAL. Ajibé, adong ngirim puisi langsung nganggo sms. Jarèné, puisi ndadèkna wong ora kemethak lan pikiran ayem.

Sunyoto

Petani Cilik

Ciliiik...
petani cilik
ékonominé jelas cilik
tapi jasané ora cilik
umpama ora cilik
ndèyan baé Indonesia
ora tambah cilik

Kaya kuwé pengarepé
petani cilik.

Trayeman, 24/06/05 -18:44 WIB



Sunyoto

Panutan

Kitabé kowen kuwé
yakiné kowen kuwé
alimé kowen kuwé

Mèlu kowen
(enyong)


Trayeman, 24/06/05 -18:45 WIB


Sunyoto – Manten pejabat Kabupaten Tegal kiyé, taun 2000 tau olih penghargaan “The Profesional Millenium Award” saka Lembaga Citra Karya Indonesia. Saabreg buku sastra, agama, sosial, gemriyek nang rak bukuné. Peduliné karo seniman, ora pernah étang-étung.

Keterangan GAMBAR:

Lukisan Peri karya Indraning salah satu perupa asal Desa Tonggara, KEcamatan Pangkah, Kabupaten Tegal